Një episod i pazakontë ka ndodhur në takimin e mbrëmjes së djeshme, mes Brajton dhe Uest Hem. Vendasit dolën me 3 pikë nga kjo përballje, falë golit të Mërreit në minutën e 25-të, por në rrjetet sociale, takimi ka bërë bujë për një send të hedhur në fushë nga tifozët pak momente se sfida të mbyllej.
Bëhet fjalë për një lodër seksi, që u hodh nga tribunat e tifozëve, në fushën e blertë. Ishte gjyqtari kryesor i takimit, Kevin Frend, i cili e pa, dhe shkoi ta merrte vetë, duke ia dorëzuar gjyqtarit të katërt, me qëllimin që mos të bëhej aq e madhe.
Por, kjo nuk i ka shpëtuar syrit të fotografëve, që e kanë kapur menjëherë në objektivin e tyre. Madje, tifozët në rrjetet sociale filluan talljen edhe për momentin e sikletshëm se si ishte kapur fotoja.
