Përkundër faktit se me ardhjen e Cristiano Ronaldos, Juventusi duket i blinduar, realiteti është se bardhezinjtë janë ende të fiksuar me përforcimin e linjës së tyre mbrojtëse. Në mënyrë të veçantë, mediat italiane këmbëngulin se në merkaton e janarit, kampionët e Seria A do të përpiqen përsëri të nënshkruajnë me qendërmbrojtësin “rojiblanco”, Saviç.
Nuk është hera e parë që ata e kanë pasur këtë futbollist në axhendën e tyre. Tashmë, drejtuesit e “Zonjës së Vjetër” kuptojnë se, për shkak të situatës së malazezit tek Atlético Madrid, me Giménez dhe Lucas përpara tij në preferencat e Diego Simeones, çmimi i transferimit mund të jetë shumë i favorshëm.
Sidoqoftë, Juve nuk është ekipi i vetëm që dëshiron t’i marrë shërbimet e tij. Interi, gjithashtu, në kohë të ndryshme ka qenë i interesuar për situatën e qendërmbrojtësit dhe gjithçka mund të realizohet, nëse kushtet ekonomike janë interesante për të dyja palët.
