Armando Sadiku u aktivizua si titullar duke luajtur për 59 minuta në sfidën mes Celta Vigos dhe Levantes e vlefshme për javën e fundit të La Ligas. Sulmuesi shqiptar gjithsesi nuk arriti të linte shenjë në këtë përballje duke humbur kështu edhe mundësinë e fundit për të realizuar qoftë edhe 1 gol në këtë sezon me Levanten.
Pas 5 fitoresh radhazi skuadra nga Valencia nuk arriti të bënte rezistencë përballë Celta Vigos edhe pse kaloi e para në epërsi me një supergol të mesfushorit Rochina. Gomez dhe Iago Aspas me një dygolësh përmbysën shifrat duke ia bërë më të thjeshtë Celtës që falë këtij suksesi u shkëput me 3 pikë nga Levante duke u ngjitur në kuotën e 49 pikëve. Morales realizoi ndërkohë edhe golin e dytë për Levanten duke ua bërë më pak të hidhur këtë disfatë miqëve.
