Ish-trajneri i Chelsea Antonio Conte raportohet të jetë kandidati kryesor për të zëvendësuar Julen Lopetegui-n te stoli i Real Madrid. Spanjolli është nën presion pas katër ndeshjeve pa fitore, tre prej të cilave humbje, ku skuadra nuk ka shënuar asnjë gol.
Pas raporteve se Conte po konsiderohej për të qenë pasardhësi i mundshëm i spanjollit, Mundo Deportivo thotë se ai është në “pole position”.
Italiani ka një CV të pasur me trofe, me tre titujt e fituar tek Juventus, si dhe një titull Premier League dhe një FA Cup me Chelsea-n. Ai gjithashtu ka udhëhequr Italinë deri në çerekfinalet e Kampionatit Europian.