Boksieri neo-zelandez Joseph Parker ka bërë me dije sot se do të ftojë ish-kampionin e botës në peshat e rënda Tyson Fury në zonën “VIP” për të ndjekur “live” sfidën e boksit mes tij dhe kampionit britanik Anthony Joshua. Kjo përballe mes dy kampionëve aktualë të peshave të rënda do të zhvillohet më 31 mars në Kardif. Parker u shpreh se është gati dhe se do t’i shkaktojë Joshua humbjen e parë, duke premtuar se do ta dëmtojë rëndë britanikun mendjemadh.
Ish-kampioni i botes Tyson Fury
Por Parker është bërë mik me Tyson Fury, pak kohë pasi mposhti po në Britaninë e Madhe kushëririn e tij Hughie Fury, pak muaj më parë, ndaj do ta ftojë të shohë nga afër sfidën.”Do t’i shkruaj dhe do ta ftoj të jetë pranë meje kur unë të dal në ring. Ose le të ulet dhe të shohë sfidën, se si do ta mposht Joshua. Kam patur shumë mbështetje nga ai dhe e vlerësoj këtë gjest. Unë e konsideroj ende kampion bote, pasi ai nuk i ka humbur titujt në ring dhe mendoj se nëse do të rikthehet e meriton një shans për t’i rifituar titujt”, tha Parker.
Nga dueli mes Parker dhe Hughie Fury
