Thomas Strakosha vazhdon të jetë një nga emrat më të lakuar në mediat italiane pas një sezoni të mirë që po zhvillon me Lacion, duke blinduar vendin e titullarit, por edhe tërhequr vëmendjen e disa klubeve të mëdha evropiane që po mendojnë për t’i bërë një ofertë klubit lacial.
“Il Messaggero”, i ka kushtuar një artikull në faqen e parë portierit të Kombëtares Shqiptare, ku e konsideron Lacion si klub me fat që e ka në përbërje. “Thomas me ndërhyrjet e tij të guximshme dhe të sakta, ka shmangur gola të sigurt bërë që Lacio të ketë 12 pikë më shumë dhe të sigurojë vendin e katërt në Seria A”, thuhet ndër të tjera në shkrimin kushtuar portierit shqiptar.