Në fundin e merkatos së verës Barcelona transferoi lojtarin Malcom, i cili erdhi me shumë bujë, por që deri më tani nuk ka arritur ta tregojë shumë veten e tij, pasi është aktivizuar shumë pak. Në këto kushte për 21 vjeçarin po interesohen disa skuadra dhe një prej tyre është Interi.
Përveç italianëve, të interesuar për brazilianin janë edhe Arsenal së bashku me Tottenham, raporton Tuttomercato. Mbetet të shihet nëse një lëvizje e tillë mund të ndodh në merkaton e janarit, sepse Malcom dëshiron më shumë minuta nën këmbët e tij.
