Sulmuesi i krahut i Shqipërisë Eros Grezda mund të kryje këtë fundjavë debutimin e plotë me skuadrën e tij Glasgow Rangers. 23-vjeçari ka siguruar shumë pak minuta me fanelën e Rangers, për shkak të formës jo të mirë fizike.
Por, pas ndeshjes me Izraelin, ku ai u aktivizua nga fillimi deri në fund, tekniku Steven Gerrard është bindur që Grezda të aktivizohet në sfidën e së dielës në kampionatin skocez ndaj Hamilton.
Lajmin e ka bërë të ditur vetë legjenda e Liverpoolit në konferencën për shtyp përpara ndeshjes së radhës.
“Po, Grezda tashmë është gati për ndeshjen e radhës që ne do të zhvillojmë”, deklaroi tekniku anglez.
