Neymar i ka bërë të qarta synimet e Paris Saint-Germainit për këtë sezon dhe e ka paralajmëruar Real Madridin se qëllimi kryesor i klubit parisien është ta fitojë Ligën e Kampionëve.
PSG-ja përballet me Real Madridin në 1/8 e finales së Ligës së Kampionëve, transmeton Express.
“Shpresojmë se do t’i fitojmë të gjithë titujt, veçanërisht Ligën e Kampionëve”, ka thënë Neymar.
Braziliani foli edhe për lidhjen me Cavanin dhe Mbappen.
“Është e komplikuar të shpjegohet tani, por po bëjmë punë të mirë. Cavani dhe Mbappe janë lojtarë të mëdhenj që e bëjnë dallimin. Po njihemi me njëri-tjetrin dhe po përmirësohemi”, ka shtuar ai.
