Emri i tij ka dalë gjatë merkatos së verës në shumë klube të mëdha, në Itali te Juventusit dhe Milani, ndërsa jashtë te Reali dhe Mançesteri. Por askush nuk arriti ta merrte mesfushorin serb të Lacios, Sergej Milinkoviç Saviç.
Lotito dhe Tare kërkuar 100 milionë dhe kështu klubet e interesuar u frenuan. Tani në skenë ka dalë edhe Barcelona, që kërkon një mesfushor shtatlartë dhe të fortë fizikisht, i cili gradualisht do të marrë vendin e Buskuet. Artur nuk e bën dot këtë rol, sepse është 171 centimetra, Vidal po stonon, ndërsa Rakitiçit po i kalon mosha.
Për këtë arsye, Ariedo Braida ishte i pranishëm në stadium për ndeshjen Parma-Lacio, ku i vëzhguari i tij ishte pikërisht Milinkoviç-Saviç. Paraqitja në këtë sezon mund ta ulë vlerën e mesfushorit dhe Barcelona mund t’i bëjë trajnerit Valverde dhuratën e radhës, ndoshta që në janar.
