Vendimi që ka marrë Jurgen Klop, për mos grumbullimin e Xherdan Shaqirit në ndeshjen që Liverpooli do të luajë në Beograd, ndaj Crvena Zvezda, ka bërë jehonë në mediat serbe. Pothuajse të gjitha mediat serbe kujtojnë festën e Shaqirit me shqiponjë në Kupën e Botës në sfidën ndaj Serbisë dhe për ta, ai festim ishte një provokim i hapur ndaj tyre. Ato ironizojnë gjithashtu me faktin se lojtari kishte deklaruar para disa ditësh se nuk kishte frikë të shkonte në Beograd.
