Komplikohet rinovimi i Jordi Albës me Barcelonën. Mbrojtësi i krahut të majtë i cili është një nga lojtarët më të rëndësishëm të skuadrës blaugrana është në skadencë kontrate në vitin 2020.
Drejtuesit e Barcelonës dëshirojnë ta zgjidhin çështjen e rinovimit të mbrojtësit deri në verën e vitit të ardhshëm pasi kanë frikë nga interesimi i Juventusit për ish lojtarin e Valencias.
Megjithatë menaxheri i 29-vjeçarit është i mërzitur me trajtimin që drejtuesit blaugrana i kanë bërë klientit të tij gjatë këtyre muajve të fundit dhe nuk përjashtohet as largimi i Jordi Albës nga Barcelona.