Java e ardhshme do të jetë decizive për karrierën e mbrojtësit të kombëtares shqiptare, Elseid Hysaj. Një gjë të tillë e ka pohuar vetë agjenti i kuqeziut që në ceremoninë e zhvilluar në ndarjen e Çmimeve të Sportit në Itali u shpreh se do të takohet me presidentin e Napolit, Aurelio De Laurentiis, për t’i kërkuar atij një kontratë të re.
“Ne kemi biseduar me Napoli prej disa kohësh. Në javët e ardhshme do të takohem me Presidentin për të kuptuar nëse ekzistojnë kushtet për një rinovim. Ai ka vetëm dy vjet e gjysmë të mbetura në kontratën e tij. Sa i përket Mario Rui, ai ende ka tre vjet e gjysmë të mbetur në kontratë dhe e ardhmja e Rui mund të diskutohet në muajit e ardhshëm. Në çdo rast, unë pres shumë nga të dy lojtarët në gjysmën e dytë të sezonit”.-tha Mario Giuffredi.
E ardhmja e Hysaj ka qenë prej kohësh e zhbalancuar, me Napolin që ka marrë oferta konkrete nga skuadra të Premier League dhe rinovimi me Hysajn do i mbyllte derën gjigandëve anglez.
