Milan-Juventus ka qenë një ndeshje për t’u harruar për Gonzalo Higuain, i cili ka gabuar një penallti dhe është ndëshkuar me karton të kuq për protesta në fundin e ndeshjes së luajtur kundër ish-skuadrës së tij.
Gjatë emisionit “Tiki Taka”, bashkëshortja e Mauro Icardit, Wanda Nara, ka komentuar paraqitjen e sulmuesit argjentinas të kuqezinjve.
“Është çështje ADN-je, Mauro jep më të mirën në ndeshjet e rëndësishme, ndoshta Higuain ka vuajtur presionin e madh që ka patur”, ka thënë ajo.
