Klubi anglez Fulham mund të kishte vendosur në pankinë një emër të madh në vend të italianit Claudio Ranieri. Mediat britanike raportojnë se ish-trajneri i Arsenalit dhe Monacos Arsene Wenger i ishte ofruar stoli i Fulhamit, por ai në akt devotshmërie ndaj “Topçinjve” refuzoi kategorikisht drejtimin e “Të Bardhëve”.
Wenger e quajti të papranueshme të drejtonte një skuadër të dytë në Premier League pas Arsenalit, të cilin e menaxhoi për plot 22 vite. Më parë ai u përfol se do të zëvendësonte Gennaro Gattuson te Milani, por ai e konsideroi këtë pretendim një “lajm të rremë”.
