Është duke u luajtur në “Selman Stërmasi” derbi numër 151 i kryeqytetit mes Partizanit dhe Tiranës. Të kuqtë e Skënder Gegës vijnë në këtë sfidë si favoritë, teksa kryesojnë kampionatin me 31 pikë në 14 ndeshja.
Ndërkohë që bardheblutë kanë arritur të sigurojnë vetëm 11 pikë në 14 ndeshje. Plot 20 pikë është diferenca mes këtyre 2 skuadrave, edhe pse disnivelet nuk kanë kaq të mëdha në fushën e lojës, gabimet e shumta e kanë zhytur Tiranën në krizë, teksa Partizani është duke zhvilluar sezonin më të mirë të viteve të fundit.
Të gjithë janë optimistë dhe besojnë se ky është viti i duhur që të kuqtë të fitojnë titullin pas plot 25 vitesh. Gjithsesi është ende herët. Hera e fundit që 24 herë kampionët e vendit kanë triumfuar në derbi ndaj Partizanit daton më 7 shkurt të vitit 2014.
Ashtu siç edhe lajmëroi “Panorama Sport”, portieri Alban Hoxha do ta nisë super sfidën si titullar. Ndërkohë shiritin e kapitenit e mban mbrojtësi Belica.
Për sa i përket formacionit bardheblu, trajneri Ardian Mema ka hedhur nga minuta e parë Grent Halilin, i cili do të zëvendësojë kështu Bedri Grecën që mungon për shkak të kartonave. Blazhevski dhe Ngo do ta nisin sfidën nga stoli.
LIVE| PARTIZANI-TIRANA 0-0
KOMENTI LIVE:
1′ Goditjen e parë nga këndi e fiton skuadra bardheblu, por pa arritur të rrezikojë portën e Alban Hoxhës.
1′ Ka nisur sfida në “Selman Stërmasi”
FORMACIONET ZYRTARE:
Partizani: Hoxha, Ibrahimi, Belica, Atanda, Trashi, Hila, Telushi, Asani, Mensah, Mala, Bardhi.
Tirana: Abibi, Imami, Hoxhallari, Atinga, Doka, Mauexhe, Karabeci, Daja, Hasani, Halili, Sentamu.
