Bayern Munich e ka rigjetur rrugën e fitores në Bundesligë duke e mposhtur 2-1 Werder Bremenin e anësorit kosovar, Milot Rashicës, të dielën në Bremen.
Pas tri ndeshjeve pa fitore në tri javët e fundit në ligë, dy barazime dhe një humbje, skuadra e Niko Kovacit e mundi 2-1 Werder Bremenin në një ndeshje të ngjeshur në “Weserstadion” në Bremen.
Trajneri Florian Kohfeldt nuk i dha asnjë minutë lojë anësorit në formë të ekipit kombëtr të Kosovës, Milot Rashicës, në humbjen e Bremenit.
Serge Ganbry shkëlqeu në fitoren e bavarezëve duke i shënuar të dy golat e triumfit.
Ai e hapi serinë e golave në minutën e 20-të të takimit, para se Yuya Osako të realizonte për 1-1 në minutën e 33-të.
Një çerek brenda pjesës së dytë, Gnabry shënoi përsëri atë që ishte foli i fitores së rëndësishme për të ardhmen e kroatit Niko Kovac në stolin e kampionit në fuqi të Bundesligës.
Kjo fitore e çon në pozitën e tretë Bayern Munichun, por përsëri e lë nëntë pikë prapa liderit Borussia Dortmundit.
Kjo si pasojë e triumfit të Dortmunidt sot ndaj Freiburgut 2-0.
Lideri i Bundesligës fitoi falë golave të Marco Reus, i cili nga penalltia i dha epërsinë skuadrës së tij në minutën e 40-të.
Epërsinë e Dortmundit e dyfishoi Paco Alcacer në minutën e 91-të.
Dortmundi mbetet lider me 33 pikë, shtatë më shumë se përcjellësi i parë Borussia Monchengladbach në pozitën e dytë.
Bayern Munich tani renditet në vendin e tretë me 24 pikë.
