Adrien Rabiot, mesfushori i PSG, është i destinuar të mbetet vetëm një ëndërr për Roma-n. Francezi i ka dhënë fjalën Barcelona-s dhe gjithçka të bën të mendosh se bashkimi do të bëhet, nëse jo në janar, qershorin e ardhshëm.
Siç raporton “El Mundo Deportivo”, pengesa e fundit që po i shkakton jo pak dhimbje koke drejtuesve katalanas, ka të bëjë me kërkesat e mamasë/menaxheres së lojtarit, edhe një herë tjetër protagoniste, ashtu si me ish-drejtuesin e verdhekuqve, Sabatini-n, të cilin e bëri të heqë dorë nga transferimi i francezit.
Zonja Veronique duket e vendosur në kërkesat e saj si nga ana ekonomike edhe ajo teknike. Rabiot nuk do të shkojë te Barcelona nëse nuk e ka të sigurt vendin e titullarit. Kjo kërkesë ishte një problem për Roma-n, e mjaftueshme për të prishur gjithçka. Do të shohim nëse në Katalonjë do të jenë më tolerantë rreth kësaj gjëje.
