Arsenali fitoi derbin e Londrës dje kundër Tottenhamit me rezultat 4-2 dhe kjo i dha arsye mesfushorit të skuadrës së Unai Emerys, Matteo Guendouzi, të festojë bashkë me tifozët e klubit jashtë stadiumit.
19-vjeçari francez shihet në një video duke festuar bashkë me tifozët e klubit nga dritarja e veturës së tij. Pasi festoi për pak kohë me ta, vetura e Guendouzit niset dhe ai del nga dritarja për ta vazhduar festimin.
Ish-lojtari i Borussia Dortmundit, Pierre-Emerick Aubameyang, e shënoi golin e parë për skuadrën e Arsenalit nga pika e penalltisë. Eric Dier e shënoi golin e barazimit, para se Harry Kane ta kalonte në epërsi Tottenhamin.
Love it !!!! @MatteoGuendouzi ❤️ #COYG #AfroBoys #Arsenal pic.twitter.com/Ykfo6mghjJ
— SLADE (@srslade) December 2, 2018
Arsenali tani është 19 ndeshje pa asnjë humbje dhe këtë ecuri e kanë vazhduar që nga dy ndeshjet e para të sezonit, kur kishin pësuar disfatë nga Manchester City dhe nga Chelsea.
