Goli me thembër i Mauro Icardi-t ndaj Sampdoria-s ka fituar çmimin Goli i Vitit 2018 në Serie A, por sulmuesi i Inter nuk është dakord. “Gran Gala’ del Calcio” po zhvillohet në Milano në mbrëmjen e së hënës.
Icardi mori çmimin e parë të ceremonisë, i cili është votuar nga publiku dhe jo nga homologët e tij, për Golin e Vitit.
“Perla” ndaj Samdorias është votuar si goli i vitit, por teksa mori çmimin, Icardi shfrytëzoi momentin për ta hedhur poshtë. “Personalisht, mendoj se goli që bëra ndaj Milan ishte më i bukur, por faleminderit të gjithëve që votuat për mua.”
