Vijojnë polemikat te skuadra e Manchester United dhe pas akuzave të trajnerit Jose Mourinho, që e ka cilësuar mesfushorin francez si “një virus që po infekton skuadrën”, ka ardhur sot replika e kampionit të botës. Sipas medieve britanike, ka qenë lojtari ai që ka thënë se skemat e trajnerit portugez nuk japin efekt, sepse ato nuk i përshtaten lojës së lojtarëve.
“Mourinho po na limiton në veprimet tona me skemat e tij, jo vetëm mua por mjaft futbollistë të tjerë të United, që nuk po dalin në lojën e tyre. Kjo e bën të vështirë qarkullimin e topit dhe organizimin e lojës”, mësohet të ketë thënë Pogba. Duket se mesfushori ka nisur një betejë me trajnerin portugez, lajm që konfirmohet nga “The Times”, që i referohet burimeve brenda skuadrës së “djajve të kuq”.
