Karlos Tevez ka shprehur mendimin e tij për sa i përket “Superklasikes” që do të luhet ditën e dielë në “Santiago Bernabeu”. Takimi mes River Plejt dhe Boka Zhunior u vendos të luhej jashtë Argjentinës për shkaqe sigurie. Nga Buenos Aires në Madrid është një distancë shumë e madhe.
“Të luash një finale të Libertadores në Bernabeu, është e pazakontë. Vështirë të pranojmë një vendim të tillë. Nga një ditë në tjetër ta gjesh veten duke luajtur këtë ndeshje në tjetër kontinent në një fushë që askush se njeh. Ata që drejtojnë CONMEBOL nuk kuptojnë asgjë, janë 3 të çmendur, idiot në zyrë. Kam respekt për spanjollët, por duhet të them se isha më injoranti i historisë, por duket se diskush më ka mundur”, është shprehur ashpër Tevez.
