Schalke dhe Bayern kanë arritur akordin, për diçka që mediat gjermane e kanë raportuar që më 31 dhjetor, Leon Goretzka do të transferohet te rekordmenët gjermanë në fund të sezonit.
Ai ka nënshkruar një kontratë deri në 2022.
Shefi i Bayern Karl Heinz Rummenigge: “Tashmë është e sigurt, Leon do të qëndrojë në Bundesliga.”
Pra Goretzka vjen. Por nuk mbaron me kaq. Arturo Vidal, sipas Sport Bild, është i lirë të largohet në fund të sezonit.
Kontrata e kilianit, i cili u transferua në Gjermani në 2015 për 37 mln euro, zgjat deri në 2019.
Chelsea thuhet të ketë interes të madh për mesfushorin teksa ish-trajneri i tij kërkon të ribashkohet si në kohët e Juve-s.
Nëse do të largohej Vidal, gjermani do të merrte pozicionin e numrit 8 në fushë, me vetëm Thiago si konkurrentin e tij.
