Takimi i zhvilluar në “Etihad Stadium” është zhbllokuar në minutën e 22-të nha braziliani Garbiel Jesus, i cili ka mposhtur portierin Pickford me një goditje të saktë brenda zonës së rreptësisë. Tri minuta para fundit të pjesës së parë Jesus ka shënuar edhe golin e dytë, por që është anuluar për pozicion jashtë loje.
Ka qenë gjithçka e rregullt në minutën e 50-të, me sulmuesin e Manchester City që ka dyfishuar avantazhin e vendasve duke realizuar golin e tij të dytë personal pas një tjetër asisti të marrë nga Sane.
Miqtë kanë rihapur takimin në minutën e 65-të me një gol me kokë të Calvert-Leëin, i cili është ndihmuar edhe nga një devijim i lehtë i Fabian Delph. Gjithsesi, goli i sigurisë për “Citizens” ka ardhur vetëm katër minuta më vonë dhe është realizuar nga Sterling, tri minuta pas futjes në lojë në vend të Sane.
Sulmuesi i Pep Guardiola ka shënuar me kokë, gjë që nuk e bënte që nga 2015-a, në një ndeshje të luajtur kundër Sunderland.
