Mbrojtësi i Liverpool Alberto Moreno ka shprehur pakënaqësinë e tij ndaj trajnerit Jurgen Klopp.
Teksa Andrew Robertson është kthyer në një lojtar të pazëvendësueshëm në formacionin e Liverpool, Moreno nuk ka qenë gjë tjetër veçse një ngrohës stoli thuajse gjithë fazën e parë të sezonit. Ai ka bërë vetëm dy paraqitje në Premier League.
26-vjeçarit i skadon kontrata në verë dhe mesa duket ai do të largohet nëse situata nuk ndryshon.
“Nuk ndihme mirë, kjo është e vërteta,” shprehet Moreno për Cadena Ser.
“Jam lënduar rëndë duke dhënë gjithçka për këtë skuadër dhe mendoj se kur të rikthehem, do të kem mundësinë të tregoj aftësitë e mia. Situata është normale për shumë lojtarë por thjesht nuk më pëlqen mënyra se si më ka trajtuar Klopp.”
Përpara se t’i bashkohej Liverpool-it në vitin 2014, Moreno kishte kaluar të gjithë karrierën e tij në Spanjë te Sevilla.
