Leicester City ka fituar 1-0 mesditën e sotme në Liverpool, duke mposhtur Evertonin dhe duke e nisur vitin në mënyrë perfekte.
Vendosi një gol i shënuar nga Jamie Vardy në minutën e 58-të të një takimi me pak raste për shënim. Vardy luajti si sulmues i vetëm dhe nuk mori shumë pasime, por shënoi me rastin e parë që pati.
Është goli i parë i vitit në Premier Ligë, por jo vetëm aty, sepse ndeshja e luajtur në Goodison Park ishte e para për vitin e ri në Europë.
Evertoni ka pësuar humbjen e katërt në 5 ndeshjet e fundit dhe luajti shumë keq, duke krijuar shumë pak raste për shënim, ndërsa Leicester merr fitoren e tretë në 4 ndeshjet e fundit dhe ngjitet në vendin e shtatë.
