Interi i ri, i drejtuar tashmë nga Beppe Marotta, ka bërë goditjen e parë për të ardhmen.
Sipas Sky Sport në Itali, drejtuesi i ri zikaltër ka siguruar shërbimet e Deigo Godin.
Qendërmbrojtësi 32-vjeçar i Atletico Madrid do të jetë i lirë në qershor, kur t’i përfundojë kontrata në Madrid, ndja që tani është i lirë të bisedojë me klube të tjerë dhe të firmosë parakontratë.
Sipas Sky, mbrojtësi i njohur do të kryejë kontrollet mjekësore në javët e ardhshme dhe do të firmosë për zikaltrit.
Godin është futbollisti i huaj me më shumë ndeshje në historinë e Atletico Madridit dhe ndër mbrojtësit më të mirë në planet, por Atletico nuk ka mundur ta bindë të rinovojë dhe kërkesat e tij financiare kanë rezultuar të papërballueshme.
