Gennaro Gattuso dhe Gonzalo Higuain janë takuar përpara finales së Superkupës së Italisë dhe kanë biseduar gjatë. Mësohet se mes tyre ka pasur një bashkëbisedim të qetë, edhe pse “Rino” Gattuso vazhdon të mos dorëzohet për shanset që argjentinasi do të largohet.
Ndërkohë, pjesa tjetër e grupit është ndjerë disi e tradhëtuar nga sulmuesi i ardhur nga Juventusi, që i ka lëën në baltë pikërisht në një sfidë të tillë. Ai që duhet të ishte një revansh është kthyer në një makth më shumë për Higuain, pasi me Juven humbi penallti dhe mori të kuq.
Sipas “Sky”, Higuain i ka thënë Gattusos: “Mister, nuk e ndjej të luaj. Nuk ndihem i fuqishëm”. Kjo për shkak të gjendjes gripale, por ndoshta interesi është edhe më i madh. Në rast dëmtimi, marrëveshja për të shkuar te Chelsea do të prishej totalisht dhe Pipita në një sfidë kaq fizike, nuk dëshiron të rrezikojë.
