Interi ka barazuar 1:1 me Romën në xhiron e 21’të në Serie A, sfida e gjashtë që nuk din për fitore.
Forma e dobët është duke e përcjell Interin edhe në këtë fillim të vitit 2018.
Skuadra e Luciano Spallettit nuk din për fitore që nga triumfi i thellë me 3 dhjetor prej 5:0 ndaj ChievoVeronas.
Nga atëherë, Zikaltrit kanë pësuar dy humbje dhe kanë regjistruar katër barazime në gjashtë ndeshje me radhë.
Por, Luciano Spalletti pas barazimit me Romës tha se nuk është i shqetësuar aspak për këtë.
“E vërteta është se ne jemi Interi dhe duhet të gjejmë kurajë për të luftuar me ekipe si Roma, Napoli e Lazio për top katërshe. Nuk mund të presim që treni të kalojë dhe të tentojmë pastaj ta kapim atë”, u shpreh Spalletti.
“Duhet të luajmë si ekip, të sulmojmë dhe mbrojmë së bashku, por gjithashtu të lëvizim topin shpejt në arena të rrezikshme”, shtoi ai.
