Në orët në të cilat Marcelo Bielsa është rikthyer si protagonist, duke bërë të flitet për atë, jo aq shumë për rezultatet e Leeds United, por mbi të gjitha për stërvitjen e Derby County. Kur trajneri argjentinas pranoi publikisht se kishte spiunuar jo vetëm ekipin e Lampard, port ë gjithë kundërshtarët e tij në kampionat, doli në dritën e diellit edhe dialogu unik mes ‘El Loco’ dhe Zinedine Zidane, që daton nga koha kur Bielsa drejtonte Olympique Marseille, ndërsa Zizou ishte në krye të Real Madrid B.
Ish-trajneri i Los Blancos, me origjinë marsejeze, dhe një tifoz i vjetër i OM përfitoi nga një moment i lirë, për tu kthyer në shtëpinë e tij dhe për të parë nga afër një seancë stërvitore të Bielsas. Një takim kurioz mes të dyve pasoi atë vizitë të Zidane në Francë, me argjentinasin që u vetëofrua të sqarojë në detaje atë që skuadra e tij kishte aplikuar gjatë seancës stërvitore. “Nëse dëshiron, në fund të ditës të sqaroj gjithçka. Nuk dua të dukem vanitoz, por…”, ishin fjalët e Bielsas për Zidane.
