Merkato e verës pritet të jetë ajo e duhura për të bërë bashkë Interin dhe Luka Modric. Bisedimet mes palëve duket se janë futur në një fazë të avancuar, ku akordi është shumë pranë.
Një gjë të tillë e ka zbuluar edhe shefi i një restoranti italian, Joe Bastianich. Amerikani, i cili ka pohuar se ka pasur një takim me kroatit, zbulon se Modric i ka premtuar se do e konsiderojë një pistë që e dërgon në Milano.
“E kam takuar verën e kaluar në Sardenjë dhe e kam këshilluar që të shkojë në Inter. Ai më tha mua se po e konsideronte idenë e lëvizjes në Milano”.- tha Bastianich për “Radio Deejay”.
Ylli i Realit të Madridit, fitues i Topit të Artë për vitin 2018 nuk u lejua nga drejtuesit madrilen për tu bashkuar me Interin në merkaton e verës, duke bllokuar kalimin e kroatit në “San Siro”.
