Kevin-Prince Boateng është lojtari i ri i Barcelonës. Aktualisht mungon vetëm një njoftim zyrtar nga klubi spanjoll që lojtari të quhet një blaugrana.
Sot, rreth orës 12:30 Sassuolo ka mbyllur sesionin e stërvitjes së paradites dhe mesfushori ganez është përshëndetur me shokët e skuadrës, duke iu komunikuar se do të largohet për në Barcelonë.
“E di se nuk do të iu pëlqejë, por më është dhënë shansi i jetës dhe unë po shkoj te Barcelona. Tani, më duhet të iu them mirupafshim”, janë këto fjalët me të cilat Boateng iu është drejtuar shokëve dhe stafit të skuadrës.
31-vjeçari erdhi te Sassuolo në verë dhe arriti të shënojë 5 gola e dha 2 asist në 15 ndeshje në gjysmën e këtij sezoni. Boateng do të kalojë në formë huazimi për 2 milionë euro, me të drejtë blerje për 8 milionë të tjera në fund të sezonit nga Barcelona.
Mësohet se sot lojtari dhe agjenti i tij do të udhëtojnë drejt Spanjës, aty ku do të kryejë vizitat mjekësore dhe do të firmosë kontratën e tij, para se të zyrtarizohet kalimin i tij në “Camp Nou”.
