Futbolli është në ankth për një përgjigje nga Emiliano Sala. Argjentinasi po udhëtonte me një avion privat kur ai humbi nga radarët dhe nuk dihet më asgjë për fatin e tij. Edhe kërkimet do të nisin ditën e nesërme, sepse janë ndalur për shkak të errësirës. Sala po shkonte për tu transferuar te Kardifi, pasi kishte arritur marrëveshje.
Megjithatë, kanë qenë 2 futbollistë kuqezinjë që kanë luajtur me të tek Nante. Bëhet fjalë për Lorik Canën dhe Ermir Lenjanin. Futbollistët kanë qenë pjesë e ekipit vedhëjeshil në sezonin 2015-2016. “Lutuni për Emilianon” ishte mesazhi i ish-kapitenin Cana. Ndërsa Lenjani ka shkruar “Ne jemi me ty, shpresojmë të dëgjojmë nga ti”.
