Barcelona ka mbyllur me sukses operacionin që të dërgonte te mesfushori i Ajax-it, Frenkie de Jong.
Katalanasit kanë paguar plot 75 milion euro për kartonin e 21 vjeçarit, ndërkohë që 11 milion euro të tjera do të derdhen në arkat e holandezëve në formë shpërblimi. Si rezultat, 21-vjeçari është bërë lojtari më i shtrenjtë holandez ndonjëherë, duke eklipsuar 84.4 milionë euro të paguara nga Liverpool-i për Virgil van Dijk.
Kampionët e La Liga bindën adoleshentin de Jong të pranonte ofertën e tyre, me një pagë prej 16 milion euro në sezon, duke hedhur poshtë rivalitetin e Manchester City-t dhe PSG-së.
Një transferim për të tashmen dhe të ardhmen e Barcelonës, e cila shikon te De Jong një produkt autentik të futbollit hollandez, i ngjashëm me atë të legjendës katalanase, Johan Cruyff.
