Motra e lojtarit të zhdukur të Cardiff Cityt, Emiliano Salas, duke qarë kërkoi nga policia që të mos i ndalin kërkimet derisa ta gjejnë vëllain e saj, i cili është zhdukur që katër ditë.
Roma Sala beson se vëllai I saj dhe piloti i aeroplanit, David Ibbotson, që u zhdukën të hënën në mbrëmje, mund të jenë ende gjallë.
Kërkimi për sulmuesin argjentinas, i cili u transferua te klubi i Premierligës javën e kaluar, përfundoi të martën, pasi që policia e Guernsey vendosën të mos e vazhdojnë këtë proces pasi që nuk gjetën asnjë shenjë të aeroplanit gjatë tri ditëve të kërkimit.
“Ju lutem, ju lutem, ju lutem mos e ndaloni kërkimin. Nga thellësia e zemrën time e di se Emiliano është një luftëtar dhe ai dhe piloti janë diku në mes të kanalit. Ata nuk do të dorëzohen, kështu që ju lutem mos i ndalni kërkimet”, ka thënë Romina Sala.
Policia kanë bërë të ditur se ka shumë pak mundësi që Sala dhe piloti të kenë shpëtuar. Aeroplani i tyre po udhëtonte nga Nantes në Cardiff dhe u zhduk pasi e humbi kontaktin me qendrën Casquets për kontrollin e trafikut ajror, rreth 13 kilometra larg ishullit Guernsey të Britanisë së Madhe.
Sala kishte udhëtuar me të njëjtin aeroplan edhe për udhëtimin e tij nga Cardiffi në Francë dhe sapo kishte zbritur, u kishte thënë miqve dhe ish-bashkëlojtarëve të tij se udhëtimi nuk kishte qenë i rehatshëm.
Kur e nisi udhëtimin për t’u kthyer te klubi i tij i ri, Sala i dërgoi mesazh miqve të tij duke i thënë se aeroplani ishte duke i bërë disa zhurma të çuditshme. Disa media angleze raportuan se aeroplani e kishte pasur të vështirë edhe të nisej dhe kishte provuar katër apo pesë deri sa më në fund ishte nisur.
Emiliano Sala's sister Romina wants the search for her missing brother to carry on.
For more on the search for Emiliano Sala: https://t.co/wAdRWTx8PI pic.twitter.com/E9ZwFFcOXE
— Sky News (@SkyNews) January 24, 2019
