Luftëtari dhe Kastrioti luajnë ditën e sotme në Gjirokastër,një sfidë që është shumë e rëndësishme për të dyja ekipet, në duelin për mbijetesë.
Devolli sfidon ekipin e vendlindjes, ndërsa Mezani kërkon pikët për të qenë i qetë për sa i përket mbijetesës. Luftëtari ndodhet aktualisht në vendine 8-të, me 17 pikë, ndërsa Kastrioti në vendin e fundit, të 10-të, me po aq pikë.
LIVE | Luftëtari-Kastrioti 0-1
GOL: Xhunior 10′
KOMENTI LIVE
26’ Karton i verdhë për Vatnikajn, pas një ndërhyrje në sulm.
19’ Aksion mjaft i bukur për Luftëtarin. Fili nga e djathta, fut në qendër të zonës një top për Dungën, por ky i fundit nga fare pranë , nuk shtyn dot drejt rrjetës, por dëmton portierin e Kastriotit, Puja.
17’ Vazhdon sulmon Kastrioti, me vendasit që duken të shokuar nga goli i pësuar që në minutat e para.
15’ Roxher driblon me lehtësi Aleksin nga e djathta, dhe në fundore provon portën, por Ruçi në pozicion çon topin në goditje këndi.
10’ GOOOL Shënon Kastrioti me Xhunior. Marku lëshon një goditje të fortë, nga goditja e dënimit, Ruçi grushton por topi mbetet në zonë. Është Marku që ndjek aksionin, pason tek Vatnikaj, ky i fundit lë tek Roxher Xhunior, dhe me portën e boshatisur braziliani nuk fal.
8’ Godet Rrapo nga jashtë zone, pas një pasimi që merr nga goditja e këndit, por e majta shkon jashtë portës.
1’ Godet që në sekondat e para Aleksi, provon me një goditje nga jashtë zone, por topi devijohet në goditje këndi.
1′ Nis ndeshja në Gjirokastër.
