Paris Saint-Germain ka bërë një ofertë 30 milionë euro për shërbimet e mesfushorit të Everton Idrissa Gueye.
Gjithsesi, Everton e ka refuzuar përsëri tentativën e radhës së francezëve, duke insistuar edhe njëherë se Gueye nuk është në shitje. Ndërkohë vetë 29-vjeçari dëshiron të kalojë në Ligue 1.
Me vetëm katër ditë të mbetura në merkaton e janarit, thuhet se PSG mund të rikthehet me një ofertë tjetër për të testuar vullnetin e Everton.
Gueye ka luajtur një rol të rëndësishëm në mesin e fushës për Everton që kur mbërriti nga Aston Villa për 10 milionë euro në vitin 2016.
Ai ka luajtur 20 ndeshje në Premier League këtë sezon si dhe ishte i pranishëm në Kupën e Botës me Senegal.
