Real Madrid ka bërë një paraqitje bindëse në fitoren 4-2 ndaj Espanyol në ndeshjen e javës së 21-të në La Liga.
Los Blancos goditën tre herë gjatë pjesës së parë kundërshtarët me golat e Benzema (2) dhe Sergio Ramos.
Kjo ishte hera e parë që Real shënon tre gola në pjesën e parë për këtë sezon.
Ndërkohë për Ramos ky ishte goli i 50-të me kokë për Real, nga 83 që ka shënuar gjithsej.
Me këtë fitore, Real ndodhet në vend të tretë të renditjes së La Liga-s me 39 pikë të grumbulluara.
I vetmi aspekt negativ për Los Blancos, që sot ishin veshur me fanella të kuqe, ishte kartoni i kuq i Raphael Varane, i cili vuri disi në vështirësi shokët e ekpit.
Gjithsesi, Real e menaxhoi mirë ndeshjen edhe me 10-të lojtarë duke marrë tre pikë të rëndësishme.
