Sulmuesi i talentuar i Llapit, Festim Alidema, ishte një ndër emrat më të përfolur në këtë merkato verore. 21-vjeçari u kërkua me ngulm nga Partizani dhe Kukësi, ndërkohë që ditën e sotme ka hedhur një hap tepër të rëndësishëm në karrierë, duke lënë “thatë” klubet shqiptare për të firmosur me Slaven Belupo në Kroaci.
Transferimi i tij u bë i mundur nga i mundur nga menaxherët shqiptare, Adrian Aliaj dhe Arbër Abilaliaj, të cilët bashkëpunojnë me skuadrat kroate për merkaton.
Alidema është evidentuar si një talent tepër premtues me një të ardhme të ndritur. Me fanellën e Llapit në Superligën kosovare, ai arriti të shënonte 12 gola në 30 paraqitje, si dhe regjistroi 6 asist.
