Ëndrra verore e Milan, Pierre-Emerick Aubameyang, duket se është gjithmonë e më pranë transferimit të tij në Londër.
Pas shumë aludimeve dhe deklaratave kontradiktore, më në fund, fotoreporterët e medias gjermane, “Bild” kanë gjurmuar dhe kanë arritur të fotografojnë drejtorin ekzekutiv të Arsenal, Ivan Gazidis, teksa zbriste bagazhet e tij nga një makinë e parkuar ngjitur me supermjetin e Aubameyang.
Drejtuesi i “Topçinjve” duhet të ketë takuar sulmuesin e Borussia Dortmund, në një hotel të Dortmundit, me siguri për të diskutuar në lidhje me detajet që do të dërgojnë ish-lojtarin kuqezi te Arsenal për të zëvendësuar Alexis Sanchez, i transferuar te Manchester United.
Është Porsche e Aubameyang, ajo e parkuara përpara hotelit, që ka tradhëtuar këtë takim sekret mes palëve.
