Lyon i ka shkaktuar disfatën e parë Paris Saint-Germain teksa ka fituar 2-1 në Parc Olympique Lyonnais.
Ishte një fitore e merituar e vendasve të cilët, sidomos në pjesën e parë, kanë dominuar sfidën duke u dhënë jo pak dhimbje koke kampionëve në fuqi.
Megjithëse Di Maria kaloi të tijtë në avantazh në minutën 7’, ishte Dembele ai që barazoi rezultatin pas gjysmë ore lojë.
Në pjesën e parë, Lyon ka bërë 7 goditje në kuadrat ndaj Parisit, asnjë ekip nuk ka goditur më tepër ndaj PSG në Ligue 1 në pjesën e parë.
Pas pushimit vendasit shënuan golin e fitores me penalltinë e Fekir dhe arritën të ruanin avantazhin deri në fund të ndeshjes.
U ndie mungesa e Neymar, por edhe fakti se po afron Champions League dhe PSG u duk i shpërqendruar.
Megjithatë, ka një avantazh të madh prej 10 pikëve nga vendi i dytë Lille, ndërsa Lyon ndodhet në vend të tretë.