Partizani ka mposhtur Kastriotin me rezultatin 2-0 në sfidën e vlefshme për javën e 21-të të Kategorisë Superiore.
Golat e Telushit dhe Bardhit i siguruan fitoren e 14-të në kampionat skuadrës së Skënder Gegës, e cila e sheh veten në kuotën e 46 pikëve, 8 më shumë se ndjekësit e Kukësit që do të përballen ditën e nesërme ndaj Tiranës.
Një pjesë e parë e barabartë ajo mes Partizanit dhe Kastriotit, ndërkohë në të dytë, loja foli për kryeqytetasit që arritën ta dominonin takimin, duke i shkaktuar humbjen e parë trajnerit Devolli.
Në stadium i pranishëm për të ndjekur këtë përballje ishte dhe trajneri i Kombëtares, Kristian Panuçi.
