Napoli e ka fituar 3-1 ndeshjen e parë të 1/16-ve të Europa League të luajtur në fushën e Zurich-ut, por Carlo Ancelotti nuk ka qenë aspak i kënaqur dhe ka akuzuar UEFA-n.
“Fusha ka qenë e tmerrshme, ashtu si topi i Europa League. Është shumë i lehtë dhe ka disa trajektore të çuditshme. Edhe fusha e Zurich ishte në kushte të papranueshme”, ka thënë trajneri i Napoli-t.
Në lidhje me ndeshjen: “Lorenzo po përmirësohet dhe po fillon të gjejë vazhdimësinë që ka patur më parë. Mendoj se duhet të jemi më konkretë para portës, mund të kishim shënuar më shumë”.
