Armando Sadiku gjeti rrugën e rrjetës me Luganon në sfidën e sotme ndaj Luzernit. Një gol i veçantë për sulmuesin e Kombëtares, pas dëmtimit të rëndë në gju. Në momentin e shënimit, 27-vjeçari nuk është përmbajtur, teksa ka shpërthyer në lot.
Sadiku u rrethua menjëherë nga shokët e skuadrës, të cilët po festonin me shqiptarin, teksa ky i fundit vendosi duart në fytyrë, duke vazhduar të përlotej.
