Mbrojtësi i ekipit nën 23 vjeç i Manchester United, Max Tayer është diagnostikuar me kancer, për këtë ka ndërprerë aktivitetin sportiv dhe ka filluar një fazë trajtimi me kimioterapi.
19-vjeçari firmosi një vit më parë kontratën e tij si profesionist me “Djajtë e Kuq”, por tani do të duhet ta ndërpresë karrierën e tij për t’u kuruar nga sëmundja e rëndë. Klubi anglez i ka qëndruar pranë lojtarit duke e ndjekur rastin me të gjithë mjekët dhe stafin e tyre.
Ndërkohë lojtari u shpreh falënderues për klubin, familjen dhe të gjithë personat që po i qëndrojnë pranë në këto ditë të vështira për të.
