Roma ka mposhtur Bologna-n me rezultatin 2-1 dhe ka regjistruar fitoren e dytë radhazi.
Skuadra e Di Francesco-s mesa duket e ka kaluar momentin e keq të disa javëve më parë dhe ka gjetur vazhdimësinë.
Aktualisht Ujqërit ndodhen në vend të 5-të të renditjes së Serie A, vetëm një pikë mbrapa një vendi që do t’u siguronte pjesëmarrjen në Champions League sezonin e ardhshëm.
Ishte Kolarov ai që zhbllokoi rezultatin në pjesën e dytë nga pika e bardhë e penalltisë.
Mbrojtësi ka shënuar 7 gola këtë sezon në Serie A, më tepër se çdo mbrojtës tjetër në pesë kampionatet kryesore evropiane.
Fazio dyfishoi rezultatin pak më pas teksa Sansone i dha shpresë vizitorëve në minutat e fundit të takimit.
Gjithsesi, Roma e ruajti rezultatin duke marrë tre pikë tepër të rëndësishme.
