Është duke u luajtur në Gjirokastër sfida mes Luftëtarit dhe Teutës e vlefshme për javën e 23-të të Kategorisë Superiore. Të dy skuadrat vijnë në këtë përballje pas rezultateve pozitive, teksa do të kërkojnë të ruajnë këtë ecuri.
Durrsakët e Bledi Shkëmbit mposhtën Kukësin me rezultatin 2-1 në “Niko Dovana”, ndërkohë gjirokastritët arritën të merrnin një barazim në transfertë ndaj Tiranës.
Në 22 javë kampionat, Luftëtari ka arritur të sigurojë 22 pikë, duke u renditur në vendin e 8-të, teksa Teuta mban vendin e dytë me 39 pikë, 7 më pak se Partizani kryesues. Në 2 përballjet e këtij sezoni, 1 herë kanë fituar bluzinjtë dhe një herë “djemtë e detit”.
LUFTËTARI-TEUTA 0-0
KOMENTI LIVE:
17′ Demo provon me një gjuajtje nga distanca, topi përfundon në duart e portierit Hidi.
11′ Drithërima në portën e Luftëtarit, e pabesueshme çfarë humbet Kamara, i vetëm me portierin Ruçi, futbollisti i Teutës e ka dërguar topin mbi kuadrat.
8′ Pranë golit Teuta. Progni harkon rrezikshëm në zonë për Kamara, i cili provon të devijojë, por atje pranë ndodheshin mbrojtësit e Luftëtarit të cilët kanë mundur ta largojnë rrezikun në këndore.
6′ Progni provon me një harkim drejt zonës për Bushiç, por topi shkon në duart e portierit Ruçi.
1′ Ka startuar takimi në Gjirokastër, vendasit luajnë topin e parë nga qendra.
