Përgjigje provokative ajo që mbrojtësi i Barcelonës, Gerard Pique i ka adresuar Real Madrid dhe pretendimeve të Los Blancos në lidhje me kalendarin e papërshtatshëm.
Dy formacionet do të përballen në mbrëmjen e të mërkurës në takimin e parë të vlefshëm për gjysmëfinalen e Kupës së Mbretit.
Pikërisht në këtë kuadër, mbrojtësi spanjoll i katalanasve, teksa kalonte nga zona miks pas suksesit 4-2 të Barcelonës në transfertë ndaj Sevilla nuk kurseu ironinë ndaj madrilenëve.
“Herën e kaluar kishin një ditë pushimi më shumë në dispozicion në krahahsim me ne dhe gjithsesi humbën me rezultatin 5-1… E di që do të na presin, do të kenë shumë dëshirë, por ne do të bëjmë gjithçka është e mundur për të fituar. Tani duam të sigurojmë finale e Kupës, pastaj do të rikthehemi të mendojmë për kampionatin”, deklaroi Gerard Pique.
