Sulmuesi i Real Madridit Karim Benzema ka dhënë një intervistë për France Football, ku ka folur për sezonin e shkëlqyer që po zhvillon te Real Madridi dhe për ndryshimin që ka ndodhur pas largimit të Cristiano Ronaldos.
“Më përpara, unë luaja për Cristianon. Kërkoja gjithnjë mënyrën për ta ndihmuar të shënonte sa më shumë. Isha gjithnjë violinë e dytë. Tani jam unë ai që duhet të marrë përgjegjësinë për të treguar se dua të shënoj, të jem lider i skuadrës.
“Jam i lirë të luaj futbollin tim. Ndihem shumë më i rëndësishëm dhe jam i lumtur për këtë gjë”, shprehet Benzema për revistën franceze, duke thënë diçka që praktikisht kuptohej lehtë, por që e thënë prej mund të ngjallë debate.
Benzema ka shënuar 20 gola (11 në kampionat, 4 në Champions, 4 në Copa del Rey dhe një në Superkupë) në 40 ndeshje këtë sezon, rendimenti më i lartë deri në këtë pikë të sezonit, që prej sezonit të tij të parë, në 2009, kur u transferua me Ronaldon në Madrid.
Sezoni më i mirë i Benzema-së në aspektin e golave të shënuar ishte ai 2011-12, ku francezi shënoi 32 gola në 52 ndeshje.
