Juventus ka një objektiv të ri për të ardhmen.
Bëhet fjalë për brazilianin Wesley David de Oliveira Andrade, mbrojtësi i djathtë 18-vjeçar i Flamengo-s, kontrata e të cilit është drejt skadencës.
Shtypi brazilian ka bërë të ditur se bardhezinjtë e kanë siguruar talentin, ndërsa “Gazzetta dello Sport” ka konfirmuar se lojtari po ndiqet nga torinezët.
Wesley thirret nga të gjithë “Gazolina” për shkak të shpejtësisë së tij dhe përfaqësohet nga super menaxheri Mino Raiola.
